دہلی میٹرو 23 مارچ یعنی پیر کی صبح چھ سے آٹھ بجے تک میٹرو ریل خدمات 20 منٹ کے وقفے سے چلے گی۔ اس دوران صرف پولیس، فائر بریگیڈ، ہسپتال اور بجلی جیسی خدمات سے وابستہ ملازمین ہی سفر کرسکیں گے۔ آٹھ سے 10 بجے تک سبھی مسافروں کے لیے میٹرو ریل خدمات دستیاب رہیں گی۔
دس کے بعد شام چار بجے تک میٹرو ریل خدمات بند رہیں گی۔
دہلی میٹرو ریل کارپوریشن (ڈی ایم آر سی) کی جانب سے آج یہاں جاری ریلیز کے مطابق صبح چھ بجے سے آٹھ بجے تک ضروری خدمات والے ملازمین سیکیورٹی اہلکاروں کو اپنے شناختی کارڈ دکھا کر میٹرو میں سفر کر سکیں گے۔ آٹھ بجے سے دس بجے کے دوران عام لوگوں کے لیے میٹرو خدمات دستیاب رہیں گی اور اس دوران کسی کو اپنا شناختی کارڈ دکھانے کی ضرورت نہیں ہوگی۔
اس کے بعد شام چار بجے سے آٹھ بجے تک سبھی لائنوں پر عام لوگ میٹرو سے سفر کرسکیں گے اور اس دوران ٹرینیں معمول کے وقفے کے مطابق چلیں گی۔
میٹرو کی سبھی لائنوں پر رات آٹھ بجے کے بعد کوئی ٹرین نہیں چلے گی۔ اس کے علاوہ پیر کو سبھی میٹرو اسٹیشنوں پر پارکنگ کی سہولت نہیں ہوگی۔ اس منصوبہ کا مقصد سبھی مسافروں کو سہولت کے ساتھ کورونا وائرس کے انفیکشن سے بچانے کے لیے سماجی دوری بنائے رکھنے کو بڑھاوا دینا ہے۔
ڈی ایم آر سی کی ریلیز کے مطابق کورونا وائرس کے بڑھتے قہر کو پھیلنے سے روکنے کے لیے جہاں شاپنگ مالز، ریسٹورینٹ اور بڑے بڑے بازار بند کردیئے گئے ہیں وہیں مسافروں کی ذمہ داری ہوتی ہے کہ وہ کورونا سے نمٹنے کے لیے میٹرو ریل کارپوریشن کو تعاون دیں۔
میٹرو میں یہ تبدیلی صرف پیر کے روز عمل میں رہے گی۔ اگر عوامی مفاد میں اسے جاری رکھنے کی ضرورت پیش آتی ہے تو اس بارے میں مطلع کیا جائے گا۔
