نئی دہلی: بھارتیہ کسان یونین کے بینر تلے قومی دارالحکومت دہلی کے رام لیلا میدان میں ملک کی مختلف ریاستوں سے کسان اپنے مطالبات لیکر پہنچے ہیں، ای ٹی وی بھارت کے نمائندے نے ان کسانوں سے بات کی۔ نمائندے سے بات کرتے ہوئے کسانوں نے بتایا کہ آج ہماری حالت بد سے بدتر ہو چکی ہے۔ کاشتکاری میں جو لاگت آتی ہے۔اس کے حساب سے انہیں قیمت نہیں ملتی جس کی وجہ سے کسان بدحالی کا شکار ہیں اسی لیے ہم آج بھارت کی مختلف ریاستوں سے دارالحکومت دہلی اپنی آواز بلند کرنے آئیں ہیں۔ Bharatiya Kisan Union Protest Against Central Government In Ramleela Ground
ہم مودی حکومت سے مطالبہ کرتے ہیں کہ وہ کاشتکاری سے منسلک مشینوں اور دیگر اشیاء سے جی ایس ٹی ختم کی جائے۔ اس کے علاوہ ایم ایس پی میں اضافہ کرنے کا مطالبہ بھی ان میں شامل ہے۔ کسان گرجنا ریلی میں شامل کسانوں نے کہا کہ اگر ان کے مطالبات کو پورا نہیں کیا گیا تو ملک گیر پیمانے پر بھارتیہ کسان یونین کے بینر تلے ایک بڑا آندولن شروع کیا جائے گا ۔ضرورت پڑی تو موجودہ حکومت کو اقتدار سے زمین پر اتار کر دوسری سیاسی جماعت کو برسر اقتدار میں لیکر آئیں گے۔
