قومی دارالحکومت دہلی کو ملانے والی چلہ سرحد پر تقریباً 58 دنوں سے بیٹھے بھارتیہ کسان یونین( بھانو) کے صدر بھانو پرتاپ سنگھ نے ہڑتال ختم کرنے کا اعلان کردیا ہے۔
انہوں نے یہ بھی کہا کہ ان کا کالے زرعی قوانین کے خلاف احتجاج جاری رہے گا اس کا کور کمیٹی اجلاس میں فیصلہ لیا گیا ہے۔
بھانو پرتاپ سنگھ نے اعلان کرتے ہوئے لال قلعہ میں 26 جنوری کو ہونے والے واقعے کی بھی مذمت کی ہے۔
انہوں نے کہا کہ ہماری ٹیم ایک ایماندار کارکنان پر مشتمل ٹیم ہے اور ہم کسی بھی ایسے واقعہ کی مذمت کرتے ہیں۔
لوگوں کا ایسا خیال ہے کہ لال قلعے پر پرچم لگانے کے بعد سے کچھ گروپ کو یہ موقع مل گیا کہ وہ ایسے لوگوں کو اس تحریک سے الگ کریں، جن کا تعلق پنجاب سے نہیں ہے۔
اسی طرح غازی پور سرحد پر کسانوں کی تحریک میں شامل وی این سنگھ نے بھی خود کو الگ کرلیا۔
انہوں نے کسان رہنما راکیش ٹکیٹ پر سنگین الزامات عائد کرتے ہوئے تحریک سے علیٰحدگی کا اعلان کیا وہ راشٹریہ کسان تحریک کی نمائندگی کررہے تھے۔
