ریاست اترپردیش کے صنتعی شہر نوئیڈا کے 1108 آنگن واڑی مراکز میں 'انا اپرشن' پروگرام کا اہتمام کیا گیا۔
واضح رہے کہ اس پروگرام میں آنگن واڑی مراکز میں چھ مہینہ مکمل کرنے والے بچوں کے اہل خانہ کو بلایا جاتا ہے، اور انہیں بچوں کو دی جانے والی خوارکی سے متعلق مکمل معلومات فراہم کرائی جاتی ہے۔
آنگن واڑی کا کہنا ہے کہ چھ ماہ کے بعد ماں کا دودھ بچے کی جسمانی اور ذہنی نشونما کے لیے ناکافی ہوتا ہے، اس لیے چھ سے آٹھ ماہ کی عمر میں بچوں کو 200 گرام کٹورا، آدھا پیالہ نرم کھانا دن میں دو بار کھلانا انتہائی ضروری ہے۔
اتنا ہی نہیں بچے کو دال، مسلی نرم کھچڑی، دلیا، مسلے ہوئے پھل کھلائے جاسکتے ہیں۔
ڈسٹرکٹ پروگرام آفیسر پونم تیواری نے بتایا کہ ضلع میں اس بار 'انا اپرشن' کے دن ماؤں کو بلانے کے لیے خصوصی دعوت نامہ تیار کیا گیا ہے، جو دعوت نامہ آنگن واڑی کارکنان نے اپنے ہاتھوں سے تیار کیا تھا۔
خیال رہے کہ دعوت ناموں پر الگ الگ نعرے بھی لکھے گئے تھے، جیسے 'کوئی عذر نہیں ہوگا، یوم 'انا اپرشن' منانا ضروری ہے'، 'چھ ماہ کے بعد ماں کے دودھ کے ساتھ نیم ٹھوس غذا، جو چستی اور طاقت کے لیے ضروی ہے جیسے نعرے لکھے گئے تھے۔
اس کے علاوہ کچھ آنگن واڑی کارکنان کے پاس پرکشش پینٹنگز بھی تھیں، کچھ نے دعوت نامے پر لکھا کہ بچے کو کیا کھلائیں۔ دعوت نامے ہر والدہ کو ذاتی طور پر دیے گئے تھے جن کے بچوں کی عمر چھ ماہ ہے، اور سب کے گھر والوں سےکو بلایا گیا تھا۔
ڈسٹرکٹ پروگرام آفیسر نے کہا کہ بچوں کو دودھ پلانے کے ساتھ ساتھ اوپری خوراکی وغیرہ کی بھی ضرورت ہوتی ہے، لہذا ضروری ہے کہ انہیں مناسب اوپری خوراک فراہم کی جائے، جس سے جسمانی، ذہنی اور فکری ترقی مستحکم ہوسکے۔
