ایئر انڈیا کے سی ایم ڈی اشونی لوہانی نے کہا کہ 'امرتسر سے لندن تک براہ راست فضائی خدمات شروع کرنے کا مطالبہ ہے اور یہ ایک بہتر موقع ہے کہ گرو پورب کی 550 ویں سالگرہ پر اس کی شروعات کی جائے۔'
انہوں نے کہا کہ 'ہم نے محسوس کیا کہ ہوائی جہاز کا بیرونی حصہ منفرد ہوں اور اسے سیاحت کے فروغ کے لیے استعمال کیا جائے۔ ہم 550 ویں گرو پورب کا جشن 'ایک اونکار' کی پینٹنگ کے ساتھ منا رہے ہیں جس کا مطلب ہے کہ 'خدا ایک ہے'۔ یہ ہم نے جہاز کے عقبی حصے پر پینٹ کروایا ہے۔'
انہوں نے بتایا کہ 'ہم 31 اکتوبر سے امرتسر سے اسٹینسٹیڈ (یوکے) تک براہ راست فضائی خدمات شروع کرنے جا رہے ہیں۔ ہمیں مسافروں سے اچھا رسپانس مل رہا ہے۔ امرتسر سے اسٹینسٹیڈ تک جانے والی پہلی فلائٹ تقریباً بھر چکی ہے۔'
