قومی دارالحکومت دہلی میں چند روز قبل ایک طالبہ سے کلاس میں حجاب نہیں پہن کر آنے کے لیے کہا گیا تھا، اس معاملے میں کل ہند مجلس اتحاد المسلمین دہلی کے صدر کلیم الحفیظ نے پرنسپل اور ٹیچر کو معطل کرنے کا مطالبہ کیا ہے۔ AIMIM demand suspension of school teacher on hijab controversy
ایم آئی ایم دہلی صدر کلیم الحفیظ نے کہا کہ 'مجلس کے دباؤ پر ہی وزیر تعلیم منیش سسودیا نے پریس کانفرنس کر کہا کہ دہلی کے اسکولز میں حجاب پر کوئی پابندی نہیں ہوگی۔' Hijab no Ban in Delhi Schools
انہوں نے کہا کہ 'جس دن سے یہ واقعہ رونما ہوا ہے اسی دن سے متعلقہ اسکول کے ٹیچر اور پرنسپل طالبہ کے اہل خانہ سے ملاقات کرکے معافی مانگ رہے ہیں۔'
ایم آئی ایم دہلی صدر نے کہا کہ 'بی جے پی دہلی میں مذہب کے نام پر سیاست بند کرے، ایم سی ڈی کے حجاب مخالف فرمان کو واپس لے اور ایم سی ڈی میں گزشتہ 15 سالوں میں کی گئی بدعنوانی سے توجہ ہٹانے کی کوشش نہ کرے۔' AIMIM Delhi President on BJP
انہوں نے اس کی بھی مذمت کی ہے جس میں بی جے پی کے اقتدار جنوبی دہلی میونسپل کارپوریشن کے تعلیمی پینل کی چیئرپرسن نے اسکولز میں 'مذہبی لباس' کو روکنے کے لیے ہدایات جاری کی ہے۔ انہوں نے کہا کہ 'بی جے پی فرقہ وارانہ ماحول خراب کرنے کی کوشش کررہی ہے۔'
یہ بھی پڑھیں: Teacher Asked Girl to Remove Hijab in Delhi: 'دہلی میں اسکول ٹیچر نے طالبات سے حجاب اتارنے کو کہا'
واضح رہے کہ چند روز قبل سوشل میڈیا پر ایک ویڈیو وائرل ہوا تھا، جس میں ایک طالبہ کا کہنا تھا ہے کہ اس نے کلاس میں حجاب پہن رکھا تھا، جس پر ٹیچر نے کہا کہ کَل سے حجاب پہن کر کلاس میں مت آنا۔ اسکول میں مزید دو طالبات کے اسکارف اتار دیے گئے۔ Teachers Asked to Remove Hijab says Delhi govt school girl
