پریش راول این ایس ڈی کے نئے سربراہ

ممتاز اداکار پریش راول ہر کردار کو لافانی بنانے کی صلاحیت رکھتے ہیں۔ اپنی شاندار اداکار کے ذریعے انہوں نے بالی وڈ میں اپنی خاص شناخت بنائی ہے۔ انہوں نے ہر رول میں خود کو ثابت کیا ہے۔ ان کی خدمات کے پیش نظر انہیں نیشنل اسکول آف ڈرامہ ( این ایس ڈی) کے سربراہ کی حیثیت سے دیکھنا ان کے مداحوں کے لیے دلچسپ ہوگا۔

بالی ووڈ اداکار پریش راول کو نیشنل اسکول آف ڈرامہ کا سربراہ مقرر کیا گیا ہے۔ یہ عہدہ 2017 سے خالی تھا۔ صدر رام ناتھ کووند نے بی جے پی کے سابق رکن پارلیمان پریش راول کو این ایس ڈی کا نیا صدر مقرر کیا ہے۔ ان کی تقرری 4 سال کے لئے ہوئی ہے۔

پریش راول کو این ایس ڈی کا نیا صدر بنانے پر این ایس ڈی کے ڈائریکٹر سریش شرما نے انھیں مبارکباد پیش کرتے ہوئے کہا کہ ”پوری این ایس ڈی فیملی کے لئے یہ بڑی خوشی کی بات ہے۔ اپنی نمایاں کارکردگی کے بل بوتے متعدد ایوارڈز جیتنے والے پریش راول کو نیشنل اسکول آف ڈرامہ کے سربراہ کے طور پر نامزد کیا جانا سب کے لیے خوش کن ہے”۔

ہم سب ان کا خیرمقدم کرتے ہیں اور امید کرتے ہیں کہ ان کی رہنمائی میں ہمیں بہت کچھ سیکھنے کو ملے گا اور وہ اپنی رہنمائی سے این ایس ڈی کو نئی بلندیوں پر پہنچائیں گے۔'

خیال رہے کہ پریش راول این ایس ڈی سے ہی پاس آؤٹ ہیں۔ وہ اس ادارے کی سربراہی کریں گے جہاں سے انہوں نے تعلیم حاصل کی ہے اور یہ ان کے لیے بھی شاندار تجربہ ہوگا۔