فاؤنڈیشن آف انڈیا کی جانب سے نئی دہلی میں آن لائن فزیکل ایجوکیشن ٹریننگ کا10 روزہ پروگرام آج اختتام پذیر ہوگیا۔ پروگرام میں 5 ہزارسے زائد اساتذہ اور کھیلوں کے کوچوں نے شرکت کی۔
پروگرام کےمہمان خصوصی، وزارت کھیل کے ڈپٹی سکریٹری مسٹر سنیل گرگ نے اختتامی اجلاس سےخطاب کرتے ہوئے کہاکہ وزارت کھیل کے ذریعہ ملک بھر میں کھیلوں کے فروغ کے لئے مختلف پروگراموں کا اہتمام کیا جارہا ہے۔
یہ پروگرام انتہائی قابل تحسین ہےجس کے ذریعہ ملک بھر سے فزیکل ٹیچر اور اسپورٹس کوچ مستفید ہوئے ہیں۔ اس 10 روزہ پروگرام میں مجموعی طور پر 20 لیکچرز ہوئےہیں۔ جس میں کھلاڑیوں کو بہتر تربیت دینے کے طریقوں پر گفتگو کی گئی ہے۔
پروگرام کے آرگنائزنگ سکریٹری ڈاکٹر پیوش جین نے کہا کہ اس پروگرام کے ذریعے ملک بھر کے اسکولوں کالجوں اور یونیورسٹیوں میں جسمانی تربیت دینےوالےاساتذہ اور اسپورٹس کوچوں کے علم میں اضافہ کیا گیا ہے ۔تاکہ وہ بچوں کو بہتر تربیت دے سکیں ۔
