چھتیس گڑھ میں آج کورونا کے 16 نئے مریضوں کے ملنے کے بعد اب ریاست میں کورونا کے فعال متاثرہ مریضوں کی تعداد بڑھ کر 89 ہوگئی ہے۔
محکمہ صحت سے موصولہ اطلاع کے مطابق آج جن 16پازیٹیو مریضوں کی شناخت کی گئی ہے، ان میں کوربا ضلع کے 12، کانکیر ضلع کے تین اور بیمیترا ضلع کا ایک مریض شامل ہے۔ ان تمام کو کورونا سنٹر میں داخل کرانے کا عمل چل رہا ہے۔ ان مریضوں کے ساتھ ریاست میں کورونا سے متاثرہ مریضوں کی تعداد اب 89 ہوگئی ہے۔
ریاست میں کل شام تک مجموعی طورپر 45522 مریضو کی شناخت کرکے ان کے نمونے ٹیسٹ کے لئے بھیجے گئے تھے ، جن میں سے 42618مریض نگیٹیو ہیں۔ جبکہ ابھی 2776نمونوں کی جانچ جاری ہے۔
ریاست میں اب تک کل ملاکر 148متاثرہ مریض ملے ہیں جن میں سے 59مریضو ں کو پوری طرح سے ٹھیک ہونے کے بعد اسپتال سے چھٹی دی جاچکی ہے۔
