بڈگام: وسطی کشمیر کے ضلع بڈگام میں "جن ابھیان" پروگرام کے ایک حصے کے طور پر محکمۂ کوآپریٹیو نے آج شیخ العالم ہال بڈگام میں ایک بیداری و تربیتی پروگرام کا انعقاد کیا۔ یہ پروگرام گورنمنٹ کوآپریٹیو ڈیپارٹمنٹ کی ڈپٹی سیکرٹری آصفہ جان کی صدارت میں منعقد ہوا۔ اس موقع پر افسران نے اپنے محکموں کی مختلف اسکیموں پر روشنی ڈالی۔ خصوصی طور پر PACS کے کمپیوٹرائزیشن کے مرکزی اسپانسرڈ پروجیکٹ پر بھی روشنی ڈالی گئی۔ ڈپٹی رجسٹرار کوآپریٹیو سوسائٹیز بڈگام نے محکمہ کی جاری اسکیموں کے بارے میں بتایا جس میں PACS، یووا سہکار اور آیوشمان سہکار اسکیموں کے کمپیوٹرائزیشن پر خصوصی زور دیا گیا ہے۔ training and awareness program Organized in Budgam
یہ بھی پڑھیں:
اس میں لوگوں کو آگے آنے اور ان منصوبوں پر تعاون کرنے کی ترغیب دی گئی جو ان کے درمیان کاروباری اور قیادت کا جذبہ پیدا کرتے ہیں، تاکہ ان کی معاشی حالت کو بہتر بنایا جا سکے۔ اس موقع پر نئے رجسٹرڈ کوآپریٹیو سے استفادہ کنندگان میں رجسٹریشن کے سرٹیفکیٹ تقسیم کیے گئے، بڈگام میں رجسٹرڈ پشمینہ کوآپریٹیو سوسائٹیوں کے کاریگروں میں کاریگروں کے رجسٹریشن کارڈ بھی تقسیم کیے گئے۔ اس موقع پر ڈپٹی رجسٹرار کوآپریٹیو سوسائٹیز بڈگام، عابدہ نبی، دیگر لائن ڈیپارٹمنٹ محکموں کے کئی افسران مثلاً محکمۂ زراعت، محکمۂ باغبانی، انیمل ہسبنڈری، شیپ ہسبنڈری، لیبر کمیشن، ڈی آئی او، ڈی آئی سی، کوآپریٹیو بینک موجود تھے۔ اس آگاہی کیمپ میں دیگر ادارہ جاتی ملازمین، محکمانہ افسران کے علاوہ مختلف کوآپریٹیو سوسائٹیز کے ممبران اور دیگر سرکردہ شہریوں نے بھی شرکت کی۔
