اس کانفرنس میں بلاک سوئبگ سے وابستہ سرپنچوں اور پنچوں نے شرکت کی اس کے علاوہ محکمہ رورل ڈیولپمنٹ و دیگر محکموں کے افسران و اہلکاروں نے بھی شرکت کی۔
اس دوران انہوں نے کہا کہ 'موجودہ وبائی صورت حال میں حکومت کے ساتھ ساتھ پنچوں اور سرپنچوں کا رول بھی اہم ہو گیا ہے۔
انہوں نے حکومت سے مطالبہ کیا کہ 'اس وبائی دور میں لوگوں کو راحت پہنچانے کے لئے پنچایتوں میں مفت دیے جانے والے راشن کی مقدار میں اضافے کے ساتھ ساتھ ہر پنچایت میں آکسیجن سیلنڈرس، ویکسین،کووڈ بیڈ فراہم کئے جائیں'۔
اس کے علاوہ انہوں متعلقہ حکام سے یہ بھی مطالبہ کیا ہے کہ 'پنچایتوں میں کورونا مخالف دواؤں کا چھڑکاؤ بھی کیا جائے'۔ اس موقع پر پروگرام میں شرکت کرنے والے پنچوں و سرپنچوں نے یہ اعادہ کیا کہ 'وہ اس صورت حال میں لوگوں کو راحت پہنچانے کے لئے حکومت کے ساتھ بھر پور تعاون کریں گے'۔
اس دوران شرکا سے یہ بھی کہا گیا کہ 'لوگوں کے پاس جاکر انہیں ایس او پیز پر عمل کرنے کی تلقین کی جائے۔ کانفرنس کے دوران بھی کورونا گائڈلائنز پر عمل کیا گیا اور شرکا نے ماسک کے ساتھ ساتھ سوشل ڈسٹنسنگ کا بھی خیال رکھا۔
