بڈگام: وسطی کشمیر کے ضلع بڈگام کے خانصاب علاقے میں پی ڈی ایف پارٹی کے چیئرمین حکیم محمد یاسین کی ایک ایسکارٹ گاڑی سڑک حادثے کا شکار ہو گئی۔ حادثے میں دو سکیورٹی اہلکار زخمی ہوگئے۔ پولیس ذرائع نے بتایا کہ پی ڈی ایف کے چیئرمین حکیم محمد یاسین کی ایک ایسکارٹ گاڑی زیرِ رجسٹریشن نمبر JK02AG-4769 گورنمنٹ ڈگری کالج خانصاحب کے نزدیک سڑک سے پھسل کر الٹ گئی۔ اس حادثے میں گاڑی میں موجود ایسکارٹ ٹیم کے دو اہلکار زخمی ہوگئے۔
دونوں اہلکاروں کو زخمی حالت میں نزدیکی سب ضلع اسپتال خانصاحب لے جایا گیا جہاں پر ان کا علاج و معالجہ کیا جا رہا ہے۔ ڈاکٹروں کے مطابق زخمیوں کی حالت مستحکم ہے۔ حادثے کے فوراً بعد پولیس کی ایک ٹیم جائے وقوع پر پہنچ گئی اور حادثے کے بارے میں تحقیقات کی جا رہی ہیں۔ Accident in Budgam
مزید پڑھیں:
