ضلع ترقیافی کمشنر بڈگام شہباز احمد مرزا نے منگل کو ضلع کے مختلف بازاروں کا دورہ کرکے کورونا سے متعلق وضع کی گئی گائیڈ لائنز پر عمل درآمد کے حوالے سے جائزہ لیا۔
ڈی سی بڈگام نے دورے کے دوران کورونا کے پھیلائو کو روکنے کے لیے وضع کیے گئے ایس او پیز کی خلاف ورزی کرنے والے دکانداروں، ڈرائیوروں پر جرمانہ عائد کیا۔
اس دوران ڈی سی بڈگام نے زور دیتے ہوئے کہا: ’’کورونا وائرس کے خلاف ابھی جنگ جاری ہے اور کورونا کو شکست دینے اور اس موذی وائرس کو مزید پھیلنے سے روکنے کے لیے گائڈ لائنز پر عمل کرنا ناگزیر ہے۔‘‘
مزید پڑھیں؛ بڈگام: دو غیر مقامی باشندوں سمیت تین منشیات فروش گرفتار
انہوں نے کہا کہ کورونا وائرس کی جنگ میں مکمل کامیابی کے لئے ہمیں ایس او پیز کا خاص خیال رکھنے کی اشد ضرورت ہے۔
شہباز مرزا نے دکانداروں اور ڈرائیوروں سمیت سبھی افراد کو ایس او پیز پر عمل کرنے کی تلقین کی، انہوں نے کہا ’’گائڈ لائنز کی خلاف ورزی کرنے والے افراد کے خلاف قانونی کارروائی کی جائے گی۔‘‘
