بڈگام: وسطی کشمیر کے ضلع بڈگام میں معدنیات کی غیر قانونی کھدائی اور نقل و حمل میں ملوث افراد کے خلاف سخت کارروائی کی جارہی ہے۔ اس سلسلہ میں پولیس غیر قانونی کاموں سے روکنے کی کوششوں کو جاری رکھتے ہوئے، بڈگام پولیس نے 02 ٹریکٹر ضبط کیے اور 02 افراد کو گرفتار کیا۔ Budgam Police Seizes Two Tractors
یہ بھی پڑھیں:
- Illegal Mining in Budgam بڈگام میں غیرقانونی کانکنی کے الزام میں دو افراد گرفتار، ٹپر و ٹریکٹر ضبط
- Budgam Police Drive Against Drugs بڈگام پولیس کی جنگلی گھاس بھنگ کے خلاف مہم
پولیس تھانہ خانصاحب کو اطلاع ملی کہ نالہ اریزال سے کچھ افراد غیر قانونی طور پر ریت، پتھر (بولڈر)اور باجری نکال رہے ہیں، جس پر کارروائی کرتے ہوئے پولیس نے چھاپہ مار کر بغیر رجسٹریشن نمبر کے 02 ٹریکٹر جو غیرقانونی طور پر نکالی گئی ریت، بولڈر اور باجری سے لدے تھے کو قبضے میں لے لیے اور 02 ڈرائیوروں کو موقع پر گرفتار کر لیا۔
پولیس نے بتایا کہ ملزمین کی بعد میں شناخت سجاد احمد شیخ ولد عبدالرحیم شیخ ساکن زمپورہ اور محمد اقبال ڈار ولد عبدالرشید ڈار ساکن رائیار کے طور پر ہوئی ہے۔ اس ضمن میں ایک ایف آئی آر زیرِ نمبر 160/2022 جو قانون کی متعلقہ دفعات کے تحت تھانہ خانصاحب میں درج کرکے تفتیش شروع کردی گئی۔
