وسطی کشمیر کے ضلع بڈگام میں پولیس کی جانب سے جاری منشیات کے خلاف مہم کے دوران ایک منشیات فروش کو گرفتار کیا گیا ہے جس کے قبضے سے ممنوعہ اشیاء بھی برآمد کی گئی ہے۔
تفصیلات کے مطابق پولیس اسٹیشن کھاگ کی ایک خصوصی ٹیم نے ڈاڈورہ کراسنگ کھاگ پر ناکہ بندی کرکے چیکنگ کا کام انجام دے رہی تھی کہ اسی دوران ایک مشکوک شخص کو گرفتار کیا۔ جس سے تفتیش اور تلاشی لینے کے بعد اس کے قبضے سے 300 گرام ممنوعہ اشیاء بھی برآمد کی گئی۔
پولیس نے گرفتار منشیات فروش کی شناخت شبیر احمد وانی ولد محمد عبداللہ وانی کے طور پر کی ہے جس کا تعلق دالواش کھاگ سے ہے۔
اس ضمن میں پولیس اسٹیشن کھاگ میں این ڈی پی ایس ایکٹ کے تحت ایک ایف آئی آر بھی درج کی گئی ہے اور مزید تحقیقات جاری ہے۔
