بڈگام (جموں کشمیر): وسطی کشمیر کے ضلع بڈگام میں ضلع سویہ بگ بلاک کے پنچایت حلقہ ہاکرمولہ میں ہفتہ وار بلاک دیوس پروگرام کا انعقاد عمل میں لایا گیا۔ بلاک دیوس کی صدارت ایڈیشنل ڈسٹرکٹ ڈیولپمنٹ کمشنر (اے ڈی سی)، بڈگام، ڈاکٹر اکرم اللہ ٹاک نے کی۔ پروگرام میں علاقہ ہاکرمولہ، گلوان پورہ، سویہ بگ، وہاب پورہ اور دیگر ملحقہ دیہات کے مقامی پی آر آئیز، معزز شہریوں کے علاوہ مقامی نوجوانوں کے وفود نے بھی اپنے مطالبات حکام تک پہنچائے۔
اے ڈی ڈی سی نے شکایت کنندگان کے مطالبات کو سننے کے بعد انہیں یقین دلایا کہ عوام کے سبھی حقیقی مطالبات کو ترجیحی بنیادوں پر مرحلہ وار طریقے سے حل کیا جائے گا۔ اے ڈی ڈی سی بڈگام نے پنچایت حلقہ میں جاری تمام ترقیاتی پروجیکٹس کی سرعت سے تکمیل پر بھی زور دیا۔ انہوں نے کہا کہ ’’یہ پروگرام عام لوگوں سے از خود رائے دینے اور رائے لینے اور ان کے مسائل کو ان کی دہلیز پر حل کرنے کے مقصد سے ترتیب دیا گیا ہے۔‘‘
مزید پڑھیں: DC Budgam Chairs Block Diwas زیرالتوا ترقیاتی کاموں کو وقت پر مکمل کرنے کی ہدایت
بلاک دیوس کے موقعے پر اے ڈی ڈی سی نے مزید کہا کہ منصوبہ بندی اور اسکیموں کے نفاذ میں مقامی شراکت داری اور تمام پنچایت حلقوں کی مجموعی ترقی کے لیے بھی اس طرح کے پروگرامز از حد ضروری ہیں۔ اے ڈی سی نے سبھی پنچایت حلقوں میں جاری ترقیاتی کاموں کو تیزی سے مکمل کرنے پر زور دیا اور متعلقہ افراد کو ہدایت دی کہ سبھی جاری پروجیکٹس کی تکمیل میں سستی لائے بغیر ہی سبھی مسائل کو ترجیحی بنیادوں پر حل کیا جائے۔ انہوں نے اس بات پر بھی زور دیا کہ ’’سڑکوں کی اپگریڈیشن اور تعلیم اور صحت کے شعبوں میں بہتری کے کاموں کو عوام کی سہولت کے لیے مقررہ مدت میں انجام دیا جائے۔‘‘
