گیا: بہار کے ضلع گیا اور دھنباد ریلوے سیکشن کے گرپا اسٹیشن پر بدھ کی صبح ایک مال گاڑی پٹری سے اتر کر بجلی کے کھمبوں سے ٹکرا گئی جس سے مال گاڑی کو شدید نقصان پہنچا ہے۔ یہ واقعہ صبح سات بجے کے قریب پیش آیا۔ جب مال گاڑی گوئلہ لیکر دھنباد سے گیا کی طرف جارہی تھی۔ Train accident on Gaya Dhanbad railway line
عینی شاہدین کے مطابق اس حادثے میں مال گاڑی کی کئی بوگیوں کو شدید نقصان پہنچا ہے۔ گاڑی کا انجن اور اگلے حصے کی ایک بوگی، جب کہ پچھلے حصے کی 5 بوگیاں محفوظ ہیں۔ بقیہ بوگیوں کو کافی نقصان پہنچا ہے، تاہم ڈرائیور پوری طرح سے محفوظ ہے۔ حادثے کی وجہ سے ٹرینوں کی آمد و رفت مکمل طور پر بند ہے۔ Train accident on Gaya Dhanbad railway line
مزید پڑھیں:
واقعہ کی اطلاع ملتے ہی ریلوے کے سینئر افسران، راحت اور بچاؤ ٹیمیں جائے وقوع پر پہنچ گئیں اور آگے کی کارروائی شروع کردی ہے۔ آر پی ایف کے ایس آئی جاوید احمد نے بتایاکہ جس وقت یہ حادثہ پیش آیا اس وقت تک اس روٹ کی تمام سپرفاسٹ ٹرینیں گزر چکی تھیں۔ اس حادثے کی اطلاع ریلوے کے اعلیٰ افسران کو دے دی گئی ہے۔ Train accident on Gaya Dhanbad railway line
