ریاست بہار میں بیگو سرائے ضلع کے نگر تھانہ علاقہ کے نگر پالیکا چوک کے نزدیک بدمعاشوں نے ہوم گارڈ کے جوان سمیت تین لوگوں کو گولی مار کر زخمی کردیا ہے۔
پولیس کے مطابق نگر پالیکا میں آج ٹینڈر کا کام چل رہا تھا، اسی وقت بدمعاشوں نے دھاوا بول دیا، اس کے بعد بدمعاشوں نے گولیاں چلانی شروع کر دی، جس میں ہوم گارڈ کے ایک جوان سمیت تین افراد زخمی ہوگئے ہیں۔
ذرائع نے بتایا کہ زخمیوں میں مراری، بابو صاحب اور تیسرا شخص ہوم گارڈ کا جوان ہے۔
واضح رہے کہ ان سبھی کا علاج ایک نجی نرسنگ ہوم میں چل رہا ہے، فی الحال حالات کشیدہ ہیں۔
واقعہ کی اطلاع ملتے ہی پولیس کے سنیئر افسران موقع واردات پر پہنچے، اور حالات کا جائزہ لیکر تفتیش شروع کردی۔
