ریاست بہار کے ضلع مظفر پور میں اداکار سشانت سنگھ راجپوت کے خودکشی معاملے میں بالی ووڈ کے کئی معروف شخصیات کے خلاف ایف آئی آر درج کی گئی ہے۔ ان شخصیات میں بالی ووڈ کے دبنگ اسٹار سلمان خان ، ہدایتکار کرن جوہر ، سنجے لیلی بھنسالی ، اور ایکتا کپور شامل ہیں۔
ایڈووکیٹ سدھیر کمار اوجھا نے بہار کے مظفر پور کی ایک عدالت میں اداکار کی موت کے سلسلے میں آئی پی سی کی دفعہ 306 ، 109 ، 504 اور 506 کے تحت شکایت درج کروائی ہے۔
نامہ نگاروں سے بات کرتے ہوئے وکیل سدھیر کمار اوجھا نے کہا ' شکایت میں ، میں نے الزام لگایا ہے کہ سوشانت سنگھ راجپوت کو تقریبا سات فلموں سے ہٹا دیا گیا تھا اور ان کی کچھ فلمیں ریلیز نہیں کی گئیں۔ ایسی صورتحال پیدا ہوگئی تھی جس کی وجہ سے وہ انتہائی اقدام اٹھانے پر مجبور ہوگئے۔'
دلچسپ بات یہ ہے کہ کانگریس کے رہنما سنجے نروپم نے دعوی کیا ہے کہ سوشانت نے سات فلمیوں سے نکال دیا گیا تھا جن کو انہوں نے سائن کیا تھا۔ نروپم نے ٹویٹ کیا ' انہوں نے صرف چھ ماہ میں ہی فلمیں گنوا دیں۔ کیوں؟ فلم انڈسٹری کی بے رحمی ایک بہت ہی مختلف سطح پر کام کرتی ہے۔ اور اس بے رحمی نے ایک باصلاحیت شخص کی جان لے لی۔'
واضح رہے کہ 34 سالہ اداکار 14 جون کو اپنے باندرا اپارٹمنٹ میں مردہ حالت میں پائے گئے تھے۔ مہاراشٹرا کے وزیر داخلہ انیل دیشمکھ نے یقین دہانی کرائی ہے کہ ممبئی پولیس شوشانت کے خودکشی معاملے میں پیشہ ورانہ دشمنی کی تحقیقات کرے گی۔
سوشانت کی حیران کن ہلاکت کے بعد متعدد فلمی شخصیات جن میں کنگنا رناوت ، ابھینیو کشیپ ، پرکاش راج اور متعدد دیگر نے فلمی صنعت میں اقربا پروری کے بارے میں کھل کر بات کرنی شروع کی ہے۔
