ریاست بہار کےدارالحکومت پٹنہ میں جمعہ کے روز مورتی وسرجن کے دوران پیربھور تھانے کے علاقے میں سید پور اور منٹو ہاسٹل کے طلباء کے مابین جھڑپ ہوگئی۔
اس دوران غیر سماجی عناصرکی جانب سے فائرنگ اور بمباری بھی کی گئی۔ ناراض طلباء نے اشوک راجپتھ کے علاقے لال باغ میں شدید ہنگامہ برپا کردیا۔
بتایا جا رہا ہے کہ 'مشتعل طلبا نے کرشنا گھاٹ گلی میں کھڑی گاڑیوں کو نذر آتش کر دیا۔
معلومات کے مطابق 'واقعے کے بعد مقامی لوگ مشتعل ہوگئے اور انہوں نے علاقے میں پتھراؤ کیا۔
اس واقعے میں داروغہ منوج کمار اور ایک کانسٹیبل زخمی ہو گئے۔ ساتھ ہی دیگر مقامی افراد بھی زخمی ہوئے ہیں۔
معاملہ کی اطلاع ملتے ہی ڈی ایم کمار روی اور ایس ایس پی موقع پر پہنچ گئے۔ علاقے میں سنسنی پھیل گئی ہے۔ اس علاقے کو چھاؤنی میں تبدیل کردیا گیا ہے۔
پیربھور تھانے کی پولیس ٹیم اور پولیس فورس موقع پرپہنچ گئی ہے۔
