ریاست بہار کے ضلع کیمور میں آر جے ڈی کے رہنما عظیم الدین انصاری کا آر جے ڈی کے کارکنان نے پرزور استقبال کیا۔
اطلاع کے مطابق کیمور ضلع کے سابق ضلع صدر عظیم الدین انصاری کا راشٹریہ جنتا دل کے ریاستی اکائی کے صدر جگدانند سنگھ نے ضلع صدر کے عہدہ سے پروموشن دیتے ہوئے ریاستی سطح پر جنرل سکریٹری کے عہدہ پر نامزد کیا۔
عظیم الدین انصاری کیمور میں لگاتار 15 برس تک ضلع صدر رہے۔ فی الوقت اکلو رام ضلع صدر ہیں۔ جنرل سکریٹری بنائے جانے پر عظیم الدین انصاری پہلی بار بھبھوا آئے جہاں ان کا آر جے ڈی کارکنان نے پرزور استقبال کیا۔
اس موقع پر راشٹریہ جنتا دل کے ضلع نائب صدر پشو پتی ناتھ سنگھ اور شہری راشٹریہ جنتا دل صدر ابھیشیک پانڈے نے ان کا استقبال کیا۔
