پریزنٹیشن کے بعد وزیراعلیٰ نے کہا کہ پہلے مرحلہ میں بہار نواس کے دوبارہ ڈیولپمنٹ کے لیے کام کریں۔ وہاں جس عمارت کی تعمیر ہو، اس میں افسران کے رہنے کے لیے انتظام کے ساتھ ساتھ مامور ملازمین کی رہائش کا بھی انتظام ہو۔
بہار سے علاج وغیرہ کے لیے دہلی جانے والے عام لوگوں کے رہنے کا انتظام وہاں مقررہ شرح پر ممکن ہو سکے تو بہتر ہو گا۔
وزیر اعلیٰ نے کہا کہ اس احاطہ میں آڈیٹوریم کی بھی تعمیر کرائی جانی چاہئے۔ بہار نواس کی تعمیر بہتر طریقہ سے ہو، اس کے لیے سینئر افسران اس جگہ کا معائنہ کر لیں۔
دوسری بہتر عمارتوں کے ڈیزائن کا مطالعہ کرکے ایک بہتر خاکہ تیار کریں۔ وہاں تعمیر ہونے والی عمارت کی تعمیر اس شکل میں ہو کہ ان کا استعمال زیادہ سے زیادہ ہو سکے ۔ اس طرح دہلی واقع بہار بھون بہار حکومت کے دفاتر کے استعمال کے لیے لایا جائے۔
عمارت تعمیرات محکمہ کے پرنسپل سیکریٹری چنچل کمار نے بتایا کہ دہلی میں بہار سدن کی تعمیر کا کام تیزی سے چل رہا ہے اور یہ آئندہ چار مہینوں میں مکمل ہو جانے کی امید ہے۔
انہوں نے دہلی واقع بہار بھون بہار نواس کے دوبارہ ڈیولپمنٹ سے متعلق متعدد نکات کی بھی جانکاری دی۔ کنسلٹنٹ ایجنسیوں نے اپنے پریزنٹیشن میں عمارت کے مین فیچرس،ڈیزائن وغیرہ پر تفصیلی جانکاری دی۔
پریزنٹیشن کے دوران عمارت تعمیرات کے وزیر اشوک چودھری، چیف سیکریٹری دیپک کمار، پرنسپل سیکریٹری کابینہ کوآرڈینشن دیپک پرساد، پرنسپل سیکریٹری عمارت تعمیرات چنچل کمار، وزیر اعلیٰ کے سیکریٹری منیش کمار ورما، وزیر اعلیٰ کے سیکریٹری جناب انوپم کمار سمیت دیگر افسران اور کنسلٹنٹ ایجنسی کے نمائندگان بھی موجود تھے۔
