ریاست بہار کے ضلع نالندا میں لاک ڈاؤن کے دوران پولیس نے غیر ضروری طور پر سڑکوں پر گھومنے والے لوگوں پر سخت رویہ اپنایا ہے۔ اتوار کی صبح سے ہی پولیس سڑک پر نکل کر لاک ڈاؤن کی خلاف ورزی کرنے والوں کے خلاف کارروائی کر رہی ہے۔ پورے ضلع میں کارروائی کرتے ہوئے پولیس نے موٹر سائیکل سوار درجنوں افراد کو پکڑا اور ان سے جرمانہ بھی عائد کیا۔
ڈپٹی سپرنٹنڈنٹ پولیس ارون سنگھ نے بتایا کہ 'نالندا سپرنٹنڈنٹ پولیس نیلیش کمار کی ہدایت پر پولیس کی جانب سے کارروائی کی جارہی ہے۔ انہوں نے کہا کہ 'ڈرائیوروں سے لاک ڈاؤن کی خلاف ورزی اور ٹریفک قوانین کو توڑنے کے الزام میں جرمانہ عائد کیا جارہا ہے'۔
ڈپٹی سپرنٹنڈنٹ پولیس نے کہا کہ 'سرکاری ہدایات کے باوجود لوگ لاک ڈاؤن کی پیروی نہیں کررہے ہیں۔ وہ سڑکوں پر گھوم رہے ہیں۔ جس کی وجہ سے انفیکشن پھیلنے کا خدشہ ہے۔ انہوں نے لوگوں سے اپیل کرتے ہوئے کہا کہ 'کورونا کی وبا کو سمجھتے ہوئے اپنے اپنے گھروں میں ہی رہیں اور حکومتی ہدایات پر عمل کریں تب ہی اس وبا سے بچا جاسکتا ہے۔
