ضلع کی کثیر آبادی پینے کے پانی سے محروم ہے۔ مجبوراً یہاں ٹیوبل کا پانی استعمال میں لایا جاتا ہے جس کی وجہ سے لوگوں کو مختلف بیماریوں کا شکار ہونا پڑتا ہے جبکہ ریاست کے وزیراعلیٰ نتیش کمار کا دعویٰ ہیکہ وہ 2020 سے پہلے ہر گھر جل، ہر گھر نل پہونچا کر رہیں گے اور یہی کہنا ہے ان کی پارٹی کے رکن اسمبلی ماسٹر مجاہد عالم کا جبکہ ان کے حلقے میں بھی بیشتر لوگ پینے کے پانی سے محروم ہیں۔
انہوں نے الیکشن کے دوران کوچادھامن کو ایک ماڈل اسمبلی بنانے کا وعدہ کیا تھا۔ انہیں جب ان کا وعدہ یاد دلایا گیا تو انہوں نے کہا کہ وہ اپنے اسمبلی حلقے کی چوطرفہ ترقی اور خوشحالی کے لیے خون کا ایک ایک قطرہ بہا دیں گے۔
اسمبلی الیکشن میں اب بہت زیادہ وقت نہیں رہ گیا ہے لہذا دیکھنا ہیکہ کوچادھامن اور کشن گنج کے لوگوں کو آئندہ انتخاب سے پہلے پینے کا پانی میسر ہوتا ہے کہ نہیں؟
