کیمور: اترپردیش سے لائی جارہی بھاری مقدار میں شراب برآمد

بہار کے کیمور ضلع میں اترپردیش سے بھاری مقدار میں لگژری گاڑی سے لائی جارہی شراب کو ضبط کیا گیا ہے۔ یہ کارروائی درگوتی پولیس نے پولیس کپتان راکیش کمار کی ہدایت پر کی ہے۔

ریاست بہار کے کیمور ضلع سے ان دنوں لگاتار شراب مخالف مہم کے دوران اترپردیش کی جانب سے لائی جارہی شراب کو ضبط کیا جارہا ہے۔

کیمور پولس کپتان راکیش کمار کی سخت ہدایت کے بعد کی جا رہی کارروائی میں آج درگوتی پولیس نے ایک لگژری گاڑی سے بڑی مقدار میں شراب برآمد کی ہے۔ یہ کارروائی کیمور سے 50 میٹر دور جنوب میں ایک پکی دیہی سڑک پر کی گئی۔ اس دیہی سڑک کے راستے شراب اسمگلر لگژری کار کے ذریعہ شراب کو اترپردیش سے بہار لایا جارہا تھا۔

خفیہ اطلاع کی بنیاد پر جب پولیس لگژری کار پکڑنے کے لئے پہنچی تو شراب اسمگلر کار کو چھوڑ کر فرار ہوگئے۔ پولیس نے کار کی تلاشی لی تو انگریزی شراب رائل اسٹیج 312 بوتلیں ہر ایک، 375 ملی لیٹر، رائل اسٹیٹ کی 96 بوتلیں، 180 ایم ایل جس میں 17. 280 لیٹر اور انگریزی 8 ٹیٹرا پیک ٹوٹل 480 پیکٹ 180 ایم ایل جو 86 لیٹر ہے۔ سمیت بڑی مقدار میں شراب ضبط کی گئی ہیں۔