میدان کربلا میں شہید ہونے والے امام حسینؓ اور ان کے 71 جانثاروں کی یاد میں بہار کے ضلع کیمور میں انتہائی جوش و خروش و عقیدت کے ساتھ چہلم منایا گیا۔ اس موقع پر کیمور کے مختلف مقامات پر جلوس کے ساتھ ساتھ قرآن خوانی اور فاتحہ خوانی کی گئی اور شہداء کربلا کو خراج عقیدت پیش کیا گیا۔ کئی مقامات پر دیر رات تک ذکر حسین کا انعقاد کیا گیا۔ Imam Hussain Chehlam Organized in Kaimur
اس موقع پر پروگرام منعقد کیا گیا جس میں بہار کے وزیر اقلیتی امور و مقامی ایم ایل اے زماں خان نے بطور مہمان خصوصی شرکت کی۔ وزیر کے ساتھ ساتھ سابق ایم ایل اے امبیکا یادو، سماجی کارکن نوشیر علی عرف منا، معشوق احمد خان کے علاوہ جے ڈی یو اقلیتی سیل کے ضلع صدر لیاقت انصاری عرف بھولا انصاری بھی موجود تھے۔خالق میاں پروگرام کے اناونسر تھے۔ اس موقع پر اترپردیش اور بہار کی ٹیموں کے درمیان شاندار مقابلہ ہوا۔ اللہ اکبر کے ساتھ علی یا حسین کے نعروں سے میدان گونج اٹھا۔ اتر پردیش کے چنار اور رام نگر کی ٹیموں کے علاوہ روہتاس کے نوکھا سے بھی ٹیمیوں نے حصہ لیا۔شائقین اپنی اپنی مستی کے بہترین کارنامے دکھا کر لوگوں کو تالیاں بجانے پر مجبور کرتے رہے۔ MLA Zama Khan on Chehlam Event
