پولیس ذرائع نے بدھ کو یہاں بتایاکہ للمنیاں مسہری گاﺅں باشندہ پنٹو کمار داس نے منگل کی رات غصے میں آکر اپنے چھ سالہ بیٹے امت کمار کا گلا دبا کر قتل کر دیا۔
ذرائع نے بتایاکہ اہل خانہ کے ذریعہ واقعے کی جانکاری کے بعد موقع پر پہنچی پولیس نے لاش پوسٹ مارٹم کے لیے سپول صدر ہسپتال بھیج دی ہے۔
ملزم باپ کو گرفتار کرلیا گیا ہے۔
وہیں سپول سے ایک خبر سامنے آئی ہے جب کہ ایک خاتون کو گولی مار کر مبینہ طور پر قتل کر ڈالا گیا ہے۔
سپول ضلع کے تروینی گنج تھانہ علاقہ میں بدمعاشوں نے بدھ کو ایک خاتون کا گولی مار کر قتل کر دیا۔
یہ بھی پڑھیے:سوشانت سنگھ کیس میں سپریم کورٹ کا فیصلہ خوش آئند: جے ڈی یو وزیر
پولیس ذرائع نے یہاں بتایاکہ تروینی گنج بازار واقع میلہ احاطہ کے نزدیک بدمعاشوں نے ایک مکان میں دھاوابولا ۔
اس کے بعد بدمعاشوں نے پونم دیوی (35) کا گولی مار کر قتل کر دیا۔
ذرائع نے بتایاکہ واقعہ کی جانکاری کے بعد موقع پر پہنچی پولیس نے لاش پوسٹ مارٹم کے لیے سپول صدر ہسپتال بھیج دی ہے۔
متوفیہ کے شوہر کے بیان پر معاملہ درج کر کے پولیس نے معاملے کی تفتیش شروع کر دی ہے۔
