اس ضمن میں شہر کے ہر علاقے میں ناجائز قبضے اور غیر قانونی تجاوزات کے خلاف بڑے پیمانے پر کارروائی کی گئی اور تجاوزات میں شامل افراد پر جرمانے بھی عائد کیے گئے۔
شہر کے اہم بازاروں میں سے ٹاور چوک اور کے پی روڈ کے علاقے سے تجاوزات مکمل طور پر ہٹا دیے گئے ہیں۔ سڑک کے آس پاس قبضہ کر کے تجارت کرنے والوں کی عارضی دکانوں پر بھی انہدامی کارروائی کی گئی ہے نیز ٹھیلہ گاڑی وغیرہ کو بھی ضبط کرنے کے ساتھ جرمانہ وصول کیا گیا ہے۔
انتظامیہ کی کارروائی سے شہر میں سڑک کے کنارے قبضہ کرکے دکان چلانے والوں کے درمیان افراتفری کا ماحول ہے۔ اس دوران دکانداروں نے انتظامیہ کے تئیں ناراضگی بھی ظاہر کی ہے۔
واضح رہے کہ گیا میں 12 ستمبر سے پترپکش میلے کا آغاز ہو رہا ہے۔ اسی تناظر میں اس برس بھی انتظامیہ نے تجازوات کے خلاف کارروائی کی ہے چونکہ اس میلے میں لاکھوں عقیدت مند جمع ہوتے ہیں۔ تاہم انتظامیہ کے لیے بھیڑ کو قابو کرنا ایک بڑا چیلینج ہوتا ہے۔
ایس ڈی او نے یقین دہانی کرائی ہے کہ پترپکش میلے کے پیش نظر راستوں کو تجاوزات سے آزاد کرا دیا جائے گا اور میلے کے دوران کسی قسم کی افراتفری یا بد نظمی نہیں ہوگی۔
