ریاست بہار کے ضلع گیا میں کورونا کے معاملے میں تیزی سے اضافہ ہو رہا ہے۔ شہر کا سب سے بڑا تجارتی حلقہ جی بی روڈ ، بزازہ روڈ حلقہ کو کورونا کے سبب سیل کر دیا گیا ہے
اس دوران ڈسٹرک مجسٹریٹ ابھشیک کمار سنگھ نے پیر منصور موڑ سے جے پرکاش نارائن ہسپتال تک بنائے گئے کنٹینٹمینٹ زون کا جائزہ لیا ۔ پیر منصور کے پاس بغیر ماسک کے گھوم رہے لوگوں پر جرمانہ بھی عائد کیا اور ماسک لگانے کی ہدایت دی۔
ڈی ایم نے کہا کہ کورونا وبا کو روکنے کے لئے کئی اقدامات کئے گئے ہیں، اس لئے ماسک اور عوامی دوری اختیار کرکے کورونا میں اضافے کو روکا جائے. جائزہ کے دوران کنٹینمینٹ زون میں متعدد دکانیں کھلیں پائی گئی جس پر ڈسٹرک مجسٹریٹ نے ناراضگی ظاہر کرتے ہوئے تمام دکانداروں کے خلاف ایف آئی آر درج کرنے کے ہدایت دئے ۔
ڈسٹرکٹ مجسٹریٹ نے میونسپل کمشنر ساون کمار کو ہدایت دی کہ وہ لوہے اور اسٹیل وغیرہ کی چیزوں کو خاص طور پر صاف کروائیں اور سب ڈویژنل آفیسر صدر کو ہدایت دیتے ہوئے کہا کہ کنٹینمنٹ زون میں کوئی تعمیراتی کام نہیں کیا جائے گا۔
اس دوران ڈی ایم نے ایک زیور کی دوکان میں بغیر ماسک کے موجود افراد اور دوکاندار سے جرمانہ وصولا اور انہیں ماسک فراہم کروایا ۔ ڈسٹرکٹ مجسٹریٹ نے آزاد پارک کے قریب بیٹھے غریب بزرگوں کو مفت ماسک فراہم کروایا اور روزانہ ماسک استعمال کرنے کی ہدایت دی ۔
واضح رہے کہ ضلع میں دوسو پنچانوے کورونا کے مثبت معاملے سامنے آئے ہیں ، جس میں دو درجن سے زائد پولیس کے جوان وا فسران شامل ہیں ،
