سرکاری ذرائع نے آج یہاں بتایا کہ جنرل ایڈمنسٹریشن محکمہ کے انڈر سکریٹری رام وشنو رائے کے دستخط سے جاری معطلی نامہ میں کمار کو فوری اثر سے معطل کرتے ہوئے ان کے خلاف الگ سے محکمہ جاتی کاروائی شروع کرنے کی ہدایت دی گئی ہے ۔
معطلی مدت میں کمار کو جو قانونی الاﺅنس ہے دینے کی ہدایت دی گئی ہے۔
ریاستی حکومت نے ٹرانسپورٹ افسر کمار کا استعفیٰ ابھی منظور نہیں کیا ہے ۔ اس دوران انہیں معطل کر دیا گیا ہے ۔
دربھنگہ ضلع انتظامیہ نے ان کے خلاف ایک رپورٹ بھیجی تھی جس میں ان پر اختیارات کا غلط استعمال کرنے کا الزام عائد کیا گیا تھا۔
کمار نے جمعہ کو اپنے عہدہ سے استعفیٰ دینے کا لیٹر ریاستی حکومت کے افسران کو بھیجا تھا اور اس کی کاپی دربھنگہ کے ضلع مجسٹریٹ کوبھی دی تھی۔
اس خط میں انہوں نے ریاستی کی موجودہ انتظامیہ کے ساتھ کام کرنے میں خود کو اہل نہ ہونے کی بات کہی تھی۔
غور طلب ہے کہ اس سال 24 جولائی کو ضلع ٹرانسپورٹ افسر راجیو کمار نے دستاویز نہیں ہونے کے الزام میں عمارت تعمیرات محکمہ کے ایکزیکٹیو انجینئر کے رہائشی احاطہ سے ان کی گاڑی اور جونیئر انجینئر کی اسکوٹی کو ضبط کر کے لہیریا سرائے تھانے میں رکھا تھا ۔
اس کے بعد ان کے خلاف ضلع مجسٹریٹ ڈاکٹر تیاگ راجن ایس ایم نے اختیارات کے غلط استعمال کی جانچ کرائی اور اس کی رپورٹ ٹرانسپورٹ محکمہ کے پرنسپل سکریٹری کو بھیجی تھی ۔
