ریاست بہار کے ضلع دربھنگہ کے کشیشور استھان میں ہونے والے ضمنی انتخاب کے تحت جے ڈی یو کے امیدوار امن ہزاری کی حمایت میں مسلسل عوام سے رابطہ کرکے جے ڈی یو کے حق میں ووٹ ڈالنے کی اپیل کررہے ہیں۔ ای ٹی وی بھارت سے بات کرتے ہوئے زماں خان نے کہا کو وہ دربھنگہ سے تارا پور اسمبلی حلقہ کا بھی دورہ کریں گے۔
انہوں نے دعویٰ کیا کہ ضمنی انتخابات میں جے ڈی یو امیدواروں کے حق میں 70فیصد سے زیادہ لوگ ووٹ کریں گے اور ان دونوں سیٹ پر تاریخی فتح ہوگی،
انہوں نے مزید کہا کہ دس روز قبل ٰوزیر اعلیٰ نتیش کمار سے اقلتی طبقہ کے مسائل پر تبادلہ خیال ہواتھا۔ جس میں انہوں نے یہ تیقین دلایا کہ محکمۂ اقلیتی فلاح کی جانب سے جو قرض اقلیتی طبقہ کے مستحقین کو ملتا ہے اب رقم میں اضافہ کرتے ہوئے پانچ لاکھ سے بڑھاکر 10 لاکھ کردیا گیا ہے۔ا س کے علاوہ اس رقم پر سود کا اطلاق بھی نہیں ہوگا۔
انہوں نے کہا کہ وزیر اعلیٰ نتیش کمار کا دور حکومت قلم کا دور ہے جب کہ سابقہ حکومتوں کا دور لاٹھی کا دور تصور کیا جاتا ہے۔ انہوں نے کہا کہ نتیش کمار کی قیادت میں ریاست امن وامان کا گہوارہ بنا ہے۔ اقلیتی طبقہ کے بچے اب پہلے سے زیادہ تعلیم حاصل کرکے روزگار حاصل کررہے ہیں۔
- مزید پڑھیں:پٹنہ: بی جے پی رکن اسمبلی کا متنازعہ بیان
انہو ں نے کہا کہ وزیر اعلیٰ نتیش کمار کے دور میں جتنی ترقی ہوئی ہے اتنی ترقی پہلے نہیں ہوئی تھی۔
