محکمہ صحت کی جانب سے اتوار کو دوپہر میں جاری سنیچر دیر رات کی جانچ رپورٹ میں کورونا کے سب سے زیادہ 32 معاملے بیگو سرائے میں پائے گئے ہیں۔
وہیں بھاگلپور ضلع میں 20 ، پورنیہ میں 13 ، شیخ پورا اور کشن گنج میں سات ۔ سات ، گیا میں چھ ، پٹنہ اور جموئی میں چار۔ چار اور کھگڑیا میں تین لوگوں کے متاثرہونے کی تصدیق ہوئی ہے۔
اسی طرح سہرسہ ، کیمور ، مونگیر ، بھوجپور ، سارن اور کٹیہار میں دو۔ دو اور اورنگ آباد ، ارریہ اور دربھنگہ میں ایک۔ ایک شخص سمیت کل 111 مثبت کیسز کی تصدیق ہوئی ہے ۔
متاثرین میں 16 خواتین بھی ہیں ۔ اس طرح 111 افراد کے انفیکشن کی زد میں آنے سے بہار میں کل متاثرین کی تعداد بڑھ کر 3676 ہوگئی ہے۔
محکمہ نے بتایا کہ متاثرین میں سے زیادہ تر دوسری ریاستوں سے آئے ہوئے افراد ہیں جنہیں اسکریننگ کے بعد بلاک سطحی قرنطینہ سینٹر میں رکھا گیا اور یہیں سے ان کے سیمپل کو جانچ کیلئے بھیجا گیا تھا۔
متاثرین کے رابطے میں آئے لوگوں کو الگ کر دیا گیا ہے ۔
:
