ریاست بہار کے وزیراعلی نتیش کمار کے آبائی ضلع نالندا کے کلیان بیگھا گاؤں میں نتیش کمار کے ساتویں بار وزیر اعلی بننے کی خوشی میں دیوالی کے تہوار کو بڑی دھوم دھام سے منایا گیا۔
مقامی لوگوں کا کہنا ہے کہ 'اس بار جس طرح سے ایگزٹ پول دکھایا جارہا تھا، اس سے ہم کافی مایوس ہوگئے تھے۔ ہم نے سوچا بھی نہیں تھا کہ اس بار بھی نتیش کمار بہار کے وزیر اعلی بنیں گے لیکن جس طرح سے این ڈی اے کو اکثریت ملی اور نتیش کمار کے وزیر اعلی بننے کا فیصلہ کیا گیا ہم لوگ خوشی سے جھوم اٹھے۔'
وہیں وزیر اعلی کے قریبی سیتارام پرساد نے کہا کہ 'مجھے پہلے ہی اندازہ تھا کہ اس بار بھی بہار کے وزیر اعلی نتیش کمار ہی بنیں گے۔ وزیر اعلی بننے کی خوشی میں کلیان وِگھا کے کچھ نوجوانوں نے اپنے بالوں کی قربانی بھی دی۔'
مقامی لوگوں نے بتایا کہ 'کلیان وِگھا کی عوام کے لئے آج کا دن واقعی بہت ہی اچھا دن ہے، ساتویں بار نتیش کمار کے وزیر اعلی بننے پر ہماری خوشی دوگنی ہو گئی ہے۔'
واضح رہے کہ کلیان بیگھا میں چاروں طرف خوشی کا ماحول ہے۔ بغیر ہولی کے گھروں میں ہولی منائی جارہی ہے اور لوگ ایک دوسرے کو مٹھائی بانٹ رہے ہیں۔