بکرا منڈی لاک ڈاون سے متاثر، قیمت کی وجہ سے خریدار پریشان

عیدالاضحی کے موقع پر دارالحکومت کے راجا بازار کی بکرا منڈی میں آنے والے لوگ اس قیمت کی وجہ سے پریشان نظر آئے ۔ کاروباریوں کا کہنا ہے کہ لاک ڈاون نے انکی کمر توڑ دی ہے۔

بہار کے دارالحکومت پٹنہ کے راجہ بازار میں واقع بکرا منڈی میں عیدالاضحی کے موقع پر لگنے والا مویشیوں کا بازار حسب معمول ہر سال کی طرح اس سال بھی لگا ۔ لیکن جانوروں کے کاروباریوں کا کہنا ہیکہ اس سال منافع بخش کاروبار نہیں ہیں۔

پٹنہ سے بکرا خریدنے آئے محمد حامد نے بتایا کہ اس بار ہر سال کے مقابلے قیمت بہت زیادہ ہے ۔لوگ قیمت زیادہ مانگ رہے ہیں۔

تین گھنٹوں تک گھومنے کے بعد بھی انہیں کوئی مناسب جانور نہیں ملا ۔انہوں نے کہا کہ اس بار جانور بھی کم ہے۔

بہار کے بھوجپور ضلع کے پیرو بازار میں جانور فروخت کرنے آئے سرفراز احمد نے کہا کہ لوگ بہت کم قیمت دینا چاہتے ہیں۔ وہ ایک سال پال کر جانور لائے ہیں۔ سیروہی نسل کے 70 کلو وزن کے بکروں کی قیمت وہ 35 ہزار مانگ رہے تھے۔