پٹنہ: بہار کے چھپرا میں گزشتہ روز زہریلی شراب پینے کی وجہ سے درجنوں لوگوں کی موت کا معاملہ طول پکڑتا جا رہا ہے۔ حکمراں جماعت اور اپوزیشن کے درمیان اس معاملے کو لے کر بیان بازی کا سلسلہ جاری ہے۔BJP MLA Allegedly Throws Chair On Ruling Party In Bihar Assembly
بہار اسمبلی کے چوتھے دن بھی چھپرامیں زہریلی شراب پینے سے ہوئی درجنوں موت پر اپوزیشن جماعتوں کی جانب سے حکومت کے خلاف احتجاج کا سلسلہ جاری رہا ۔اسمبلی میں اجلاس کے دوران بی جے پی کے ارکان اسمبلی پرحکمراں جماعت پر کرسی پھینکنے کا الزام عائد کیا گیا ہے۔
اسمبلی میں کرسیاں پھینکنے کے معاملے پر آر جے ڈی کے رکن اسمبلی مکیش کمار یادو نے ای ٹی وی بھارت سے بات چیت کرتے ہوئے کہا کہ بی جے پی لیڈران ایوان کی کارروائی میں رخنہ ڈالنے کی کوشش کر رہے ہیں،بی جے پی کے ارکان اسمبلی اس طرح کی حرکت کرکے بہار کے لوگوں کے لئے ترقیاتی منصوبوں پر پانی پھینے کی بھی کوشش کر رہے پیں۔
