سشانت کی موت سے دلبرداشتہ طالب علم کی خودکشی

بہار میں نالندہ ضلع کے چنڈی تھانہ علاقہ میں منگل کو ایک طالب علم نے گلے میں پھندا لگا کر خودکشی کرلی۔

پولیس ذرائع نے یہاں بتایا کہ مقامی لوگوں سے ملی اطلاع کی بنیاد پر لودی پور گاﺅں باشندہ اوما شنکر لال کے چودہ سالہ بیٹے گوتم کمار کی لاش اس کے گھر سے برآمد کی گئی ہے۔ لاش کو پوسٹ مارٹم کے لیے بھیج دیا گیا ہے۔

دریں اثناء تھانہ صدر ریتو راج کمار نے بتایاکہ متوفی کے اہل خانہ کا کہنا ہے کہ فلمی اداکار سشانت سنگھ راجپوت کی موت سے وہ کافی رنجیدہ تھا اور اسی وجہ سے اس نے خودکشی کرلی ہے۔

انہوں نے بتایاکہ اس سلسلے میں ایک ایف آئی آر درج کر لی گئی ہے۔ معاملے کی تفتیش کی جارہی ہے-