سارن: سڑک حادثے میں نوجوان کی موت، ایک دیگر زخمی

سارن ضلع میں آج پیش آئے ایک سڑک حادثے میں ایک شخص کی موت واقع ہوگئی ہے، جبکہ دوسرے شخص کو زخمی حالت میں اسپتال میں داخل کرایا گیا ہے۔

بہار میں سارن ضلع کے پانا پور تھانہ علاقہ میں دیر رات سڑک حادثے میں موٹر سائیکل سوار نوجوان کی موت ہوگئی اور ایک دیگر شدید طور سے زخمی ہوگیا ۔

پولیس ذرائع سے بدھ کو ملی اطلاع کے مطابق پاناپور تھانہ علاقہ کے ترکی گاﺅں باشندہ رگھوناتھ رائے کا 25 سالہ بیٹا سونو کمار رائے اپنے دوست راکیش کمار کے ساتھ ایک شادی تقریب میں شامل ہونے کے بعد موٹر سائیکل سے واپس لوٹ رہا تھا ۔ اسی دوران پھکولی ترکی نہر کے نزدیک مخالف سمت سے آرہے نامعلوم گاڑی نے موٹر سائیکل کو اپنی زد میں لے لیا ۔

ذرائع نے بتایا کہ حادثے میں دونوں ہی نوجوان زخمی ہوگئے ۔مقامی باشندوں نے زخمیوں کو علاج کیلئے نزدیکی ہیلتھ مرکز میں پہنچایا جہاں ڈاکٹروں نے سونو کو مردہ قرر دے دیا۔

واقعہ کی اطلاع ملنے پر پہنچی پولیس نے لاش پوسٹ مارٹم کراکر اہل خانہ کو سونپ دی ہے ۔ نامعلوم گاڑی ڈرائیور کے خلاف ایف آئی آر درج کر کے جانچ کی جارہی ہے ۔

یواین آئی