بہار اسمبلی الیکش کا بگل بج چکا ہے اور تمام سیاسی پارٹیاں حکمت عملی تیار کرنے میں مصروف ہوگئی ہیں اور دوران ونچت بہوجن اگھاڑی کے سربراہ پرکاش امبیڈکر نے ایم آئی ایم سے اتحاد کا اشارہ دیتے ہوئے اس الیکشن میں حصہ لینے کا اعلان کیا ہے۔
حالانکہ امبیڈکر نے کسی بھی پارٹی کا نام نہیں لیا ہے لیکن مسلمانوں کو ساتھ لے کر الیکشن میں اترنے کی بات سے اندازہ لگایا جارہا ہے کہ وہ ایم آئی ایم کے ساتھ الیکشن لڑیں گے۔
ونچت بہوجن اگھاڑی کے صدر پرکاش امبیڈکر کا کہنا ہے کہ وہ مسلمانوں کو اپنے ساتھ لے کر بہار اسمبلی انتخابات میں حصہ لیں گے۔
پرکاش امبیڈکر نے ایم آئی ایم کے ساتھ اتحاد کا ذکرِ کرتے ہوئے یہ بھی کہا کہ ماضی میں جو نہیں ہوسکا وہ مستقبل میں کیا جائے گا، ان کے اس بیان کو دلت مسلم اتحاد کے طور پر دیکھا جارہا ہے۔
اس تعلق سے اورنگ آباد سے ایم آئی ایم کے رکن پارلیمان امتیاز جلیل سے بات کرنے کی کوشش کی گئی تو انہوں نے پرکاش امبیڈکر کے بیان پر تبصرہ کرنے سے انکار کر دیا۔
