بہار کے ضلع بھاگلپور میں واقع چمپانگر میں ہر سال کی طرح اس سال بھی جشن آزادی کے موقع پر مومن لائبریری میں مشاعرہ کا اہتمام کیا گیا۔ مشاعرہ کی اس محفل کا اہتمام بھاگلپور کی مشہور و معروف شخصیت مولانا اسجد ناظری نظر کی زیر صدارت کیا گیا۔
مشاعرہ کے دوران کچھ شعراء نے حب الوطنی کے عنوان پر اشعار پڑے تو کسی نے ملک کے موجودہ حالات کو غزل میں پِروکر سنایا، لوگوں نے شعراء کرام کے کلام کو انتہائی تجسس کے ساتھ سنا اور داد و تحسین سے نوازا۔
مزید پڑھیں:ارریہ میں آل انڈیا مشاعرہ کا اہتمام
اس مشاعرہ میں شامل شاعر منظر امام شفق، مولانا اسجد ناظری نظر، پروفیسر بدر الدین شبنم، کاظم اشرفی، فاروق اعظم، شبیر وارثی، سید شبیر جعفری اور آخر میں پروفیسر بدرالدین شبنم کے کلام کے ساتھ مشاعرہ کا اختتام ہوا، اس مشاعرہ کو سننے کے لیے بڑی تعداد میں سامعین آخر تک موجود رہے۔
