شہر کے ایک مقامی اخبار کا دعویٰ ہےکہ جواہر لعل نہرو کالج میں دو مشتبہ اشخاص کو داخل کرایا گیا تھا لیکن نمونہ کے بعد دونوں مریض فرار ہوگئے جس کی اطلاع پولس انتظامیہ کو دی گئی ہے۔
ہسپتال انتظامیہ کا کہنا ہے کہ دونوں مریض فرار نہیں ہوئے ہیں بلکہ انہیں کورنٹائن کے لیے گھر بھیج دیا گیا ہے۔
ہسپتال انتظامیہ کے مطابق 'آئسولیشن وارڈ میں 28 مارچ تک 14 مریضوں کو رکھا گیا ہے جن میں سے تین کیسز مثبت ہیں لیکن تینوں تیزی سے روبہ صحت ہو رہے ہیں۔
واضح رہے کہ 'دو ہفتہ قبل بھی اسی طرح جواہر لعل نہرو میڈیکل کالج ہسپتال سے ایک مشتبہ مریض فرار ہوگیا تھا جسے بعد میں گرفتار کیا گیا تھا اور اب اس تازہ معاملے نے ہسپتال انتظامیہ پر سوال کھڑے کر دیے ہیں۔
ایسے میں لوگوں کے ذہن میں یہ سوال اٹھنا لازمی ہے کہ جب اتنے کم مریض کے بعد علاقے کے سب سے بڑے اسپتال کی یہ حالت ہے تو اگر خدا نخواستہ مریضوں کی تعداد بڑھ گئی تب ہسپتال انتظامیہ کس طرح سنبھال پائے گا۔
