پٹنہ: امیر شریعت بہار اڈیشہ و جھارکھنڈ مولانا احمد ولی فیصل رحمانی کے ساتھ امارت شرعیہ کے ایک وفد نے وزیر اعلیٰ نتیش کمار سے ان کی رہائش گاہ ایک آنے مارگ پٹنہ پہنچ کر ملاقات کی، وفد میں امیر شریعت کے علاوہ نائب امیر شریعت مولانا شمشاد رحمانی قاسمی، مولانا شبلی قاسمی، مولانا فاروق رحمانی وغیرہ بھی شریک تھے. اس ملاقات میں امیر شریعت اور وزیر اعلیٰ کے درمیان بہار میں درپیش مسلم مسائل کے کئی اہم نکات پر گفتگو ہوئی، جسے وزیر اعلیٰ نے بغور سنا اور حل کرائے جانے کی یقین دہانی کرائی۔ Meeting with Chief Minister Nitish Kumar on Muslim issues
مولانا شمشاد رحمانی قاسمی نے کہا کہ تمام مسائل سننے کے بعد وزیر اعلیٰ نتیش کمار نے اسی وقت اپنے پرنسپل سکریٹری کو بلا کر ہدایت دی کہ وہ پیش کیے گئے میمورنڈم کا جائزہ لے کر متعلقہ شعبہ کے عہدیداران اور افسران سے ان کی فوری میٹنگ طے کریں، امیر شریعت نے وزیر اعلیٰ بہار سے اقلیتوں سے متعلق دیگر اہم معاملات پر بھی بات کی اور کہا کہ بہار اسٹیٹ مدرسہ ایجوکیشن بورڈ،بہار اردو اکادمی،اقلیتی کمیشن جیسے اہم اقلیتی اداروں میں چیئرمین کی تقرری نہیں ہوئی ہے اس کے علاوہ بھی کئی اہم عہدے خالی پڑے ہوئے ہیں جس وجہ سے ادارے تعطل کا شکار ہے، وزیر اعلیٰ نے کہا کہ ان کی نظر ان سب مسائل پر ہے اور وہ جلد ہی اس پر مناسب اقدام کریں گے۔
