چھوٹی عمر میں یوگا کے حیرت انگیز کارنامے انجام دینے والے رودر پرتاپ سنگھ کی شہرت قومی سطح سے عالمی سطح تک پہنچ چکی ہے۔ صرف 8 سال کی عمر میں رودر نے 200 سے زیادہ یوگا کے آسنوں میں مہارت حاصل کی ہے۔ انہوں نے بہت سے قومی تمغے بھی جیتے ہیں۔
رودر پرتاپ سنگھ کی عمر صرف آٹھ سال کی ہے لیکن اپنی محنت اور شوق کی وجہ سے وہ اپنے بڑوں کو بھی شکست دینے کی صلاحیت رکھتے ہیں۔ رودر بہت ہی آسانی کے ساتھ یوگا کے سب سے مشکل آسنوں کو آسان بنا دیتا ہے۔
خاص بات یہ ہے کہ رودر کو کسی بھی پیشہ ورانہ طریقے سے کوچنگ نہیں ملی ہے۔ انہوں نے اپنے والد سے یوگا کی تعلیم حاصل کی ہے، رودر نے بتایا کہ میرے پہلے گرو پیروشتم کمار ہیں لیکن انہیں اسکیٹنگ کھیل کی وجہ سے وقت نہیں مل سکا تو میرے والد ہی میرے کوچ بن گئے، رودر کا خواب ملک کے لئے اولمپکس کھیلنا اور سونے کا تمغہ جیتنا ہے۔
