ریاست بہار کے کیمور سے بڑی ایک خبر سامنے آرہی ہے۔ ایک 8 سالہ بچہ کھیلنے کے دوران نہر میں گرگیا۔ جس کی وجہ سے اس کی ڈوب کر موت ہوگئی۔ اس واقعہ کی اطلاع ساتھ میں کھیل رہے بچوں نے گاؤں جا کردی۔ کنبہ و دیگر مقامی لوگ موقع پر پہنچے اور کافی تلاش کرنے کے بعد لاش کو باہر نکالا۔ یہ حادثہ بے لاٶں تھانہ کے تراٶں گاٶں کا بتایا جارہا ہے۔
دراصل 8 سالہ سچن کمار گاؤں کے بچوں کے ساتھ گاؤں کے جنوبی درگا مندر کے قریب کھیلنے گیا تھا۔ جہاں سے کرمچٹ نہر بہتی ہے، وہاں کھیلتے ہوئے بچہ کرمچٹ نہر میں گر گیا۔ جس کے بعد ساتھ کھیلنے والے بچے گاؤں گئے اور لوگوں کو اطلاع دی، جب تک مقامی لوگ موقع پر پہنچتے تب تک بہت دیر ہو چکی تھی۔ بچہ پانی میں ڈوب چکا تھا۔
یہ بھی پڑھیں: کیمورِ بہار: میگی بناتے وقت سیلنڈر بلاسٹ، زخمیوں کی حالت تشویشناک
کافی تلاش اور کوشش کے بعد لاش کو باہر نکالا گیا۔ گاؤں والوں نے اس واقعے کی اطلاع بیلاٶں پولیس اسٹیشن کو دی۔ پولیس نے موقع پر پہنچ کر لاش کو پوسٹ مارٹم کے لیے بھبھوا صدر اسپتال بھیج دیا۔
