ریاست بہار کے ضلع ویشالی میں بیدو پور تھانہ علاقہ کے چک سکندر بازار سے پولیس نے چھاپے ماری کرکے ایک ٹرک سے 371 کارٹون انگریزی شراب برآمد کی، اور دو سمگلرز کو گرفتار بھی کیا ہے۔
پولیس نے بتایاکہ اطلاع ملی تھی کہ بیدو پور تھانہ علاقہ میں شراب کی بڑی کھیپ لائی جانے والی ہے، اسی اطلاع کی بنیاد پر کل دیر رات چک سکندر بازار میں ایک ٹرک کو روک کر تلاشی لی گئی۔
اس دوران ٹرک میں چھپا کر رکھی گئی 371 کارٹون انگریزی شراب برآمد کی گئی، برآمد شراب ہریانہ میں تیار کی گئی ہے اور اس کی قیمت قریب بیس لاکھ روپے بتائی جارہی ہے۔
خیال رہے کہ اس کاروائی میں پولیس نے ٹرک ڈرائیور شیام کمار اور خلاصی راجیش کما ر کو گرفتار کرلیا گیا ہے، جو ہریانہ کے رہنے والے ہیں۔
پولیس ان دونوں سے تفتیش کررہی ہے، ان کے خلاصے کی بنیاد پر مقامی شراب کاروباری کو بھی گرفتار کرلیا جائے گا۔
