سروس پائپ پھٹنے سے دوکان دار پریشان

ریاست جموں و کشمیر کے ضلع بارہمولہ کے مین بازار میں پی ایچ ای محکمہ کی سروس پائپ پھٹنے سے یہاں کے دوکان داروں کو سخت مشکلات کا سامنا کرنا پڑرہا ہے۔

ایک دوکاندار کا کہنا ہے کہ 'پچھلے 15 دنوں سے پی ایچ ای کی پائپ پھٹنے سے ہمیں کافی مشکلات کا سامنا کرنا پڑرہا ہے اور سارا پانی ہمارے دوکانوں کے اندر جارہا ہے'۔

انہوں نے کہا کہ آج تک کسی نے بھی اس مسئلے کی طرف کوئی توجہ نہیں دی۔ اس پانی سے یہاں کی سڑکیں بھی خراب ہوگئی ہیں۔

ان کا مطالبہ ہے کہ اس پائپ کو جلد از جلد ٹھیک کرایا جائے۔