بارہمولہ: جموں و کشمیر کے ضلع بارہمولہ کے گوم احمدپورہ، پٹن علاقے میں اینٹی کرپشن بیرو (اے سی بی) نے ایک پٹواری کو رشوت لیتے ہوئے رنگے ہاتھوں گرفتار ACB Traps and Arrests Patwari in Baramullaکر لیا۔
گوم احمدپورہ، پٹن علاقے سے تعلق رکھنے والے ایک شخص کی جانب سے رشوت طلب کیے جانے کی شکایت پر اے سی بی نے پٹواری عبدالمجید کو رشوت لیتے ہوئے رنگے ہاتھوں گرفتار کر لیا۔
شکایت کنندہ نے دعویٰ کیا تھا کہ قریب دس سال قبل انہوں نے دو کنال اراضی خریدی تھی تاہم اسکی سیل ڈیڈ (Sale Deed) اُس وقت نہیں بنائی تھی۔ شکایت کنندہ کے مطابق پٹواری عبدالمجید نے سیل ڈیڈ تیار کرنے کے عوض فی کنال دس ہزار روپے رشوت طلب کیے۔
مزید پڑھیں: گاندربل: پٹواری رشوت لیتے ہوئے رنگے ہاتھوں گرفتار
اینٹی کورپشن بیرو نے شکایت موصول ہونے کے بعد ایک ٹیم تشکیل دیکر پٹواری کو بیس ہزار روپے رشوت لیتے ہوئے رنگے ہاتھوں گرفتار کر لیا۔
اے سی بی ٹیم نے اس ضمن میں مزید تفتیش شروع کر دی ہے۔
