سوپور : 'گھریلو تشدد کی روک تھام' عنوان پر ایک پروگرام منعقد

موجودہ وقت میں ملک بھر کے ساتھ ساتھ جموں و کشمیر میں بھی دن بہ دن گھریلو تشدد میں اضافہ دیکھنے کو مل رہا ہے اور اس میں سب سے زیادہ خواتین گھریلو تشدد کا شکار ہو رہی ہیں۔

شمالی کشمیر کے ضلع بارہمولہ کے سوپور قصبہ میں آج موج کشیر ویلفیئر ٹرسٹ کی جانب سے گھریلو تشدد کے خاتمہ و روک تھام کے موضوع پر ایک پروگرام کا اہتمام کیا گیا۔ جس میں سوپور اور مختلف علاقوں سے آئے ہوئے لوگوں نے شرکت کی۔

اس موقع پروگرام کے منتظم اویس نے بتایا 'اس وقت ملک بھر کے ساتھ ساتھ جموں و کشمیر میں بھی دن بہ دن گھریلو تشدد میں اضافہ دیکھنے کو مل رہا ہے اور اس میں سب سے زیادہ خواتین گھریلو تشدد کا شکار ہو رہی ہیں۔ اسلیے ہماری یہ کوشش ہے کہ ہم کشمیر میں ہر جگہ جا کر گھریلو تشدد کے خلاف بیداری پھیلائیں'۔

انہوں نے کہا کہ اگر کوئی بھی شخص گھریلو تشدد کا شکار ہو رہا ہے اور اس کی کوئی مدد نہیں کر رہا ہے تو ہم اس کی مدد کرنے کے لئے تیار ہیں۔ پروگرام کے دوران لوگوں سے اپیل کی گئی کہ وہ گھریلو تشدد کے خلاف آواز بلند کریں'۔