بانڈی پورہ: انجمن شرعی شیعان کے صدر اور علیٰحدگی پسند رہنما آغا سید حسن الموسوی نے پریس کانفرنس کے دوران انتظامیہ سے محرم کے جلوس پر عائد پابندی ختم کرنے کا مطالبہ کرنے کے علاوہ محروس علیٰحدگی پسند لیڈر میرواعظ مولوی محمد عمر فاروق کی نظر بندی کو ختم کرنے کی بھی اپیل کی Shia Leader Demands Release of Mirwaiz Kashmir Molvi Umar Farooq تاکہ وہ محرم الحرام کے موقع پر وعظ و تبلیغ کے مشن کو جاری رکھ سکیں۔
علیٰحدگی پسند لیڈر آغا سید حسن الموسوی نے ایک پریس کانفرنس کے دوران انتظامیہ کو سخت تنقید کا نشانہ بناتے ہوئے کہا کہ 'صرف مسلمانوں کے اجتماعی اعمال پر ہی پابندی عائد کرنا غیر اخلاق اور غیر آئینی عمل ہے۔' Shia Leader on Muharram Procession ban الموسوی نے کہا کہ 'ربیع الاول اور محرم کے جلسے جلوسوں پر پابندی عائد کرنا مداخلت فی الدین ہے۔' انہوں نے انتظامیہ سے محرم کے جلوسوں پر عائد پابندی کو ختم کرنے کے علاوہ میرواعظ کشمیر کی رہائی کو یقینی بنانے کا بھی مطالبہ کیا۔
انہوں نے کہا کہ میرواعظ کشمیری سیاسی لیڈر ہونے کے ساتھ ساتھ کشمیر کے سب سے بڑے دینی منصب 'میرواعظ' کے عہدے پر بھی فائز ہیں جو محرم کے پیش نظر مختلف مقامات پر اپنے وعظ و تبلیغ کے ذریعے محرم اور واقعہ کربلا کے فلسفہ پر روشنی ڈالتے تھے۔ آغا سید حسن ضلع بانڈی پورہ کے گامدو، سوناواری علاقے کے دورے پر تھے جہاں انہوں نے محرم الحرام کی تیاریوں کے حوالے سے انجمن شرعی شیعان کے ارکان کے ساتھ تبادلہ خیال کیا۔
