ڈی ڈی سی بانڈی پورہ ڈاکٹر اویس احمد اور سی ایم او بانڈی پورہ ڈاکٹر بشیر احمد خان کی ہدایت پر آج بلاک میڈیکل آفیسر بانڈی پورہ ڈاکٹر مسرت احمد وانی کی قیادت میں ایک ٹیم نے بانڈی پورہ مارکیٹ میں کاروائی کرکے قریبآ پندرہ کلینکس اور لیبارٹریز کی چھان بین کی۔
بانڈی پورہ : غیر قانونی طور چل رہے کلنکس کے خلاف کاروائی
چھان بین کے دوران سات کلینکس کو غیر قانونی پایا گیا اور ان کے خلاف کاروائی کرکے انہیں سر بہ مہر کیا گیا۔
اس موقع پر بی ایم او بانڈی پورہ نے تفصیلات فراہم کرتے ہوئے کہا کہ ہمارے اندازے یا طلاعات کے مطابق ایسے تقریباً چالیس کلینکس یا لیبارٹریز ہیں جو غیر قانونی طور پر کام کر رہی ہیں۔
انہوں کہا کہ یہ سلسلہ أگے بھی جاری رہے گا اور سبھی ایسی کلینکس یا لیبارٹریز کے خلاف کاروائی عمل میں لائی جائے گی۔
