شمالی کشمیر North Kashmirکے ضلع بانڈی پورہ کے اندرکوٹ علاقے میں حضرت علی رضی اللہ عنہ کے یوم ولادت کی نسبت سے ایک پروگرام منعقد کیا گیاProgram in Bandipora on Hazrat Ali’s Birthday، جس میں درجنوں عقیدت مندوں نے شرکت کی۔
حضرت علی رضی اللہ تعالیٰ عنہ کا یوم ولادت 13 رجب المرجب کو منایا جاتا ہے، اس روز مساجد و خانقاہوں سمیت امام باڑوں میں خصوصی تقریبات کا اہتمام کیا جاتا ہے۔
بانڈی پورہ ضلع کے مختلف علاقوں میں بھی اس سلسلے میں تقریبات کا اہتمام کیا گیا، وہیں اندرکوٹ سوناواری کے مرکزی امام باڑہ میں ’’جشن ولادت‘‘ کے عنوان سے ایک محفل کا انعقاد عمل میں لایا گیا۔
پروگرام میں متعدد علمائے کرام، شعراء اور نعت خوان حضرات نے شرکت کی، جنہوں نے حضرت علی رضی اللہ عنہ کی شان میں منظوم و منثور کلام کے ذریعے اپنی عقیدت کا اظہار کیا۔
محفل میں مدعو کیے گئے علماء کرام نے حضرت علی رضی اللہ عنہ کی مبارک سیرت پر روشنی ڈالی۔ مقررین نے مسلمانان عالم خصوصا نوجوانوں کو سیرت علوی کا مطالعہ کرنے کے ساتھ ساتھ اس پر عمل کرنے کی بھی تلقین کی۔
میڈیا کے ساتھ گفتگو کرتے ہوئے مولانا علی محمد جان نے کہا کہ دور حاضر میں اسلاف خصوصا حضرت علی رضی اللہ عنہ کی سیرت اور ان کے فرمودات سے ہٹ کر زندگی گزارنے کا چلن عام ہو چکا ہے۔ انہوں نے کہا: ’’مسلمانوں کو چاہئے کہ وہ حضرت علی رضی اللہ عنہ کی سیرت طیبہ کا مطالعہ کرکے اس پر عمل کریں، اسی میں مسلمانوں کی سلامتی و عروج کا راز مضمر ہے۔‘‘
مقررین نے کہا کہ ’’مولود کعبہ حضرت علی رضی اللہ عنہ کی مبارک شخصیت مسلمانوں کا ہر فرقہ کے نزدیک قابل احترام ہے اور مسلمانوں کو چاہئے کہ ان کے نقش زندگی کو نمونہ حیات بنا کر زندگی گزاریں۔‘‘
